- "Beshariq" paxta tozalash korhonasi - https://beshariqpaxta.uz -
Ўзбекистонда 42 та янги ГЭС қурилади
Posted By admin On 04.03.2017 @ 08:37 In YANGILIKLAR VA E'LONLAR | No Comments
Ўзбекистон Республикаси Президенти Шавкат Мирзиёев “2017-2021 йиллар учун Гидроэнергетикани ривожлантириш дастури тўғрисида”ги Фармонни имзолади. Бу ҳақида Президентнинг матбуот хизматида хабар берилди [1].
Фармонда республикадаги гидроэнергетика соҳасининг ривожидаги устувор йўналишлар белгилаб берилди, хусусан:
– экологик соф қайта тикланувчи энергия манбаларини кенг қўллаш ҳисобига электроэнергия соҳасида янги ишлаб чиқариш қувватларини изчил яратиш ва мавжудларини модернизация қилиш;
– йирик, ўрта, кичик ва микро-гидроэлектр станцияларини лойиҳалаштириш ва қуриш соҳасида замонавий ҳамда ҳар томонлама асосли илмий-техник қарорларни жорий қилиш ҳамда шу асосда республикадаги энергетика баланси тузилмасидаги гидроэнергетик қувватлар улушини ошириш;
– республика сув салоҳиятини асраб-авайлашни рағбатлантиришни таъминлаш, гидротехник иншоотларни қуриш давомида мавжуд флора ва фаунани сақлаб қолиш, шунингдек сув ресурсларини самарали бошқариш;
– трансчегаравий сув оқимлари ва халқаро кўлларни муҳофаза қилиш ҳамда улардан фойдаланиш бўйича мажбуриятлар ва ратификацияланган халқаро келишувларга риоя қилиш.
Шунингдек, 2017-2021 йилларда Гидроэнергетикани ривожлантириш бўйича чора-тадбирлар дастури тасдиқланди. Унга кўра, Ўзбекистон Республикасида 42 янги ГЭС қуриш ва 32 мавжуд ГЭСни модернизация қилинади.
Article printed from "Beshariq" paxta tozalash korhonasi: https://beshariqpaxta.uz
URL to article: https://beshariqpaxta.uz/%d0%8ezbekistonda-42-ta-yangi-ges-%d2%9buriladi/
URLs in this post:
[1] хабар берилди: http://www.press-service.uz/ru/news/5659/
Click here to print.
Copyright © 2015 Markazlashgan Respublika Ta'minot Bazasi AJ. All rights reserved.